Panangtaming iti Rikrikna

Pudno a karit ti sibaballigi a panangtaming iti dayta. Maysa nga agtutubo ibagana ti kapadasanna: “Naragsakak, ngem iti sumaganad a minuto nakaron ti panaglidayko. No dadduma diak pay ammon no aniat’ riknak. Kasla naan-anayen a mapukpukawak iti kasipngetan. Diak maiyebkas ti bagik ken no ania dagiti riknak siasino man ti kasaritak, uray ti bagik met laeng. Mariknak a didak ikankano dagiti tattao iti aglawlawko, nangnangruna dagiti kaeskuelaak, ta saanak a napintas. Kamaudiananna patpatayendakon dagitoy a rikrikna, ket mangrugin a kagurak ti bagik met laeng ken ti personalidadko.”

Ti balasitang naaddaan iti kopia iti libro a Ti Kinaagtutuboyo—Pananggun-od ti Kasayaatan iti Dayta. “Makapainteres unay ti amin,” insuratna, “gapuna kayatko a basaen ti sumaganad a kapitulo, ‘Ti Panagbalasang.’ Kasla diak mamati iti basbasaek. Ti kapitulo eksakto a deskribirenna no kasano idi ti rikriknaek, ken inlawlawagna no apay a kasta ti riknak. Naparegtaak iti kasta unay a nakabasa a gagangay laeng ti kasta a rikna. Basta masapul a maammuak laeng ti umiso a pamay-an ti panangtaming iti dayta.”

Malaksid ti panangtulongna kadagiti agtutubo a mangtaming kadagiti riknada, salaysayen daytoy a libro dagiti bambanag a kas iti panangabuso ti droga ken dagiti sungbat iti salsaludsod nga, Uminumak aya kadagiti inumen a de alkohol? ken, Rebbeng aya a makidinnaak sakbay ti panagasawa? No kayatyo a maammuan no kasano ti umawat iti maysa a kopia, pangngaasiyo ta suratanyo ken ibusonyo ti kupon.

Kayatko ti umawat iti natangken-akkubna a 192-panid a libro a Ti Kinaagtutuboyo—Pananggun-od ti Kasayaatan iti Dayta. (Agsurat iti direksion nga adda iti baba maipaay iti impormasion. Iti ruar ti Filipinas, agsurat iti lokal a sanga iti Watch Tower maipaay iti impormasion. Kitaenyo ti panid 5.)