‘Linukasanna ti Misterio’

Ti Trinidad ket naawagan a misterio, ngem maysa a managbasa idiay Australia kunana a ti broshur a Rumbeng Aya a Patienyo ti Trinidad? “linukasanna ken linawlawaganna ti misterio.”

Idiay Nueva York maysa a dati a mannursuro iti programa a Confraternity of Christian Doctrine iti Iglesia Katolika Romana kinunana a tinarigagayanna a nagun-odan koma daytoy a broshur kadagiti napalabas a pinullo a tawen. Kunana nga iti las-ud ti 15 a tawen, nangisursuro kadagiti klase iti 30 agingga iti 35 nga estudiante, nga agedad iti 7 agingga iti 12, “nga agdrowing iti tallot’ bulongna a shamrock tapno isuro ti Trinidad kadakuada—tallo a bulong agpaay iti tallo a nagduduma a Persona, tunggal maysa ket Dios, iti maymaysa nga ungkay, a mangbukel iti maymaysa a Dios! Ngem daytat’ imbaga dagiti madre ken papadi nga aramidenmi,” insuratna.

“Mariroak maipapan iti dayta,” intuloyna a kinuna. “Ita addaanakon kadagiti pudno a sungbat ken dagiti kinapudno manipud iti Sao ti Dios a mismo. Anian a panagtarigagayko a mangurnong koma kadagiti agtutubo a sinuruak idi ket ipakitak kadakuada ti kinapudno maipapan kadagitoy a banag!”

Adut’ nangapresiar iti kasta unay itoy nakalalaing, nagsayaatan ti pannakapaneknekna a broshur maipapan iti Trinidad, a nagtalinaed a kangrunaan a sursuro ti kaaduan nga iglesia iti Kakristianuan. Mairaman kadagiti adu nga inadaw ti broshur isut’ naggapu iti The New Encyclopædia Britannica, a nagkuna: “Awan ti agparang a sao a Trinidad wenno ti nalawag a doktrina idiay Baro a Tulag.”

No kayatyo ti maaddaan iti ad-adu pay nga impormasion wenno ti libre a panagadal iti Biblia, pangngaasiyo ta agsuratkayo iti Watchtower, P.O. Box 2044, 1099 Manila, wenno iti maitutop a direksion a nailista iti panid 5.