“Inikkat Dagiti Nazi ti ‘Jehova’”

DAGIDIAY dagiti sasao iti paulo ti damag iti umuna a panid ti New York Herald Tribune a Nobiembre 20, 1938. Kinuna ti artikulo: “Dagiti iglesia a Protestante iti dadduma a paset ti pagilian [Alemania] nabilinda a mangikkat iti sao a ‘Jehova’​—ti Aleman a pannakadeletiar ti Jehova, a naggapu iti ‘Yahweh,’ ti Hebreo [a sao] a maipaay iti Dios​—ken kasta met dagiti nagnagan dagiti propeta a Judio iti Daan a Tulag.”

Amin daytoy ket paset iti kampania dagiti Nazi a panangidadanes kadagiti Judio. Maigiddato iti dayta, awan duadua a nairanta dayta a pangdangran kadagiti Saksi ni Jehova, a naparitanen nanipud idi 1933 ket maibabaondan kadagiti kampo a pagbaludan.

Idi 1933 adda 19,268 nga aktibo a Saksi idiay Alemania. Itatta, kalpasan ti kankanayon a panangriribuk dagiti Nazi ken, iti nabiit pay, dagiti Komunista idiay Makindaya nga Alemania, addan 163,000 a Saksi a nainaig kadagiti 1,938 a kongregasion. Ket ti nagan a Jehova saan a naikkat iti bokabulario nga Aleman. Ti Zeugen Jehovas, dagiti Saksi ni Jehova, nalatakda iti intero nga Alemania.

No kayatyo ti ad-adu pay nga impormasion maipapan kadagiti Saksi, pangngaasiyo ta makiumankayo iti lokal a Kingdom Hall, wenno agsurat iti direksion nga asideg kadakayo, nga usarenyo ti listaan iti panid 5.

[Ladawan iti panid 32]

Ti sanga a hedkuarter dagiti Saksi ni Jehova idiay Selters/Taunus, Alemania