Liwliwa Kadagiti Malmaldaang

Idi napan a tawen nangipablaak dagiti Saksi ni Jehova ti maysa a bassit nga innem a panid a tract maipapan iti tema nga adda iti ngato. Iti ababa unay a pamay-an, mangipaay dayta iti maysa a kita ti tulong a kasapulan dagiti malmaldaang. Ipakita ti tract a ti Biblia ti kasayaatan a gubuayan ti liwliwa. Mangisitar iti adu a teksto ti Kasuratan a mainaig iti tema ti panagleddaang, agraman dagiti teksto a mabalin a mausar a pangtulong iti malmaldaang.

Idi napan nga Oktubre, 1992 ti sanga nga opisina dagiti Saksi ni Jehova idiay Roma, Italia, nakaawatda ti maysa nga awag iti telepono isu a nangikunaan ti immawag: “Kayatko ti agyaman kadakayo gapu iti tract maipapan iti panagleddaang. Kaaw-awatko dayta, ket mapilitak nga umawag tapno agyaman kadakayo. Diak pay nakabasbasa a pulos ti aniaman a makaparegta unay iti aniaman a publikasion ti medisina. Kayatko ti mangipaay iti pammadayaw kadakayo gapu ta nagballigikayo a nangibaga iti nakaad-adu iti kasta unay a nagbassitan nga espasio.

“Idi nabasak ti tract, nakasangitak. Kayatko ti mangparegta kadakayo a mangitultuloy iti trabahoyo. Napateg dayta; aramidenyo koma dayta iti isuamin nga Italia ken iti isuamin a lubong.”

No kayatyo ti maaddaan iti maysa a kopia daytoy a tract, Liwliwa Kadagiti Malmaldaang, wenno ad-adu pay nga impormasion, pangngaasiyo ta agsuratkayo iti Watch Tower, P.O. Box 2044, 1099 Manila, wenno iti maitutop a direksion a nailista iti panid 5.