Kayatda ti Maaddaan iti Bukodda a Kopia

INTUGOT ti maysa a Saksi ni Jehova nga agtartrabaho idiay Milan Linate Airport sadi Italia ti libro a Ti Katan-okan a Tao a Nagbiag Pay Laeng idiay pagtrabahuanna. Kinuna ti sumagmamano a katrabahuanna a kayatda ti maaddaan iti bukodda a kopia iti daytoy a publikasion maipapan iti biag ni Jesu-Kristo. Sumagmamano nga aldaw kalpasanna, bayat nga intulod ti Saksi dagiti kiniddawda a libro, kinuna ti maysa a katrabahuanna nga imbaga dagiti empleado iti sumagmamano nga eroplano a kayatda met ti maaddaan iti libro. Isu a kiniddaw ti Saksi kenkuana a mangaramid iti listaan dagiti amin nga agkalikagum iti dayta. Sumagmamano nga aldaw kalpasanna, naited kenkuana ti listaan.

Saan a dagus a magun-odan ti bilang ti libro a makalikaguman, ngem dua lawas kalpasanna, nagun-odan ida ti Saksi. Sinarungkaranna ken ti maysa a padana a Saksi amin nga adda iti listaan, ket 461 amin a libro ti naibunong! Bayat a naibunongda, naiyurnos ti panangsarungkar dagiti Saksi kadagiti 13 a tattao nga agnanaed iti asidegda tapno mairugin ti pannakipagadalda iti Biblia iti pagtaengan.

No kayatyo ti umawat iti bukodyo a kopia iti daytoy 448-panidna a natangken ti akkubna a libro wenno maysa a libre a panagadal iti Biblia iti pagtaengan, pangngaasiyo ta agsuratkayo iti Watch Tower, P.O. Box 2044, 1099 Manila, wenno iti direksion a nailista idiay panid 5.