Natignay iti Panangapresiar ni Serosha iti Agriingkayo!
Nagsurat ti maysa nga agtutubo manipud estado ti Washington, E.U.A.: “Iti klase nga English masapul nga agsuratkami iti maysa a magasin wenno maysa a warnakan. Isu a rinugiak ti mangsapul kadagiti artikulo iti magasin a mabalinko a suratan.
“Inkeddengko ti mangkita kadagiti artikulo iti magasin nga Agriingkayo! a simmangpet iti koreo idi kalman. Maragsakanak ta kinitak. Makaparegta unay ti artikulo a ‘Panangsarungkar Manen iti Russia,’ iti ruar a Pebrero 22, 1995. Nangnangruna a makaparegta a basaen ti maipapan iti regta ti pito ti tawenna a ni Serosha maipapan iti Pagarian ti Dios. Ti ayat ken panangapresiarna iti magasin nga Agriingkayo! ti nangtignay kaniak a mangpanunot kadagiti artikulo iti Agriingkayo! a diak pay nabasa. Inanamaekon nga ikagumaan a basaen amin dagiti nagsayaatan nga artikulo iti Agriingkayo! ken Ti Pagwanawanan.”
No kayatyo ti maaddaan iti kopia Ti Pagwanawanan ken Agriingkayo! wenno kayatyo ti maaddaan iti libre a panagadal ti Biblia iti pagtaengan, pangngaasiyo ta agsuratkayo iti Watch Tower, P.O. Box 2044, 1099 Manila, wenno iti maitutop a direksion a nailista iti panid 5.