Napateg nga Alikamen ti Edukasion

Maysa a miembro ti parliamento iti pagilian ti Sri Lanka ti nagsurat iti “Editor ti ‘Agriingkayo!’” Naipakita ti suratna iti baba:

“Dear Sir,

“Maikuna a nupay bassit laeng ti magasin nga Agriingkayo! nga ipablaakyo, nakapatpateg ken naintiempuan dayta. Tunggal maysa nga artikulo tulonganna dagiti agtutubo ita a mangilasin a silalawag iti naimbag ken dakes.

“Nabasakon dagiti amin nga artikulo. Ti makunak rumbeng a basaen ti tunggal mannursuro, estudiante, ken nagannak daytoy a magasin.

“Apresiarek unay ti nagsayaatan a trabaho a pakiramramananyo. Tarigagayak ti agtultuloy a balligiyo iti panggepyo.”

Dandani 16 milion a kopia ti tunggal ruar ti Agriingkayo! ti maimaldit iti 78 a pagsasao. Mabigbigbig daytoy a magasin iti aglikmut ti lubong kas napateg nga alikamen ti edukasion. Magunggonaankayo met iti panangbasa iti dayta. No kayatyo ti maysa a kopia wenno​—kayatyo ti maaddaan iti libre a panagadal iti Biblia iti pagtaengan, pangngaasiyo ta agsuratkayo iti Watch Tower, P.O. Box 2044, 1099 Manila, wenno iti maitutop a direksion a nailista iti panid 5.