“Espesial a Banag”

Kalpasan ti panangbasana iti libro a Ti Katan-okan a Tao a Nagbiag Pay Laeng, maysa a libro a nairanta a mangisalaysay iti tunggal pasamak idi iti biag ni Jesus ditoy daga a nailanad iti uppat nga Ebanghelio, kinuna ti maysa a 70 ti tawenna a baket idiay Moscow, Russia: “Ita laeng a nakabasaak iti kasta a literatura. Kayatko a maammuan ti ad-adu pay maipapan iti Dios ken ni Jesu-Kristo ken kayatko pay ti agadal iti Biblia.”

Masansan a makaawat iti kakasta a surat ti sanga nga opisina dagiti Saksi ni Jehova idiay Russia maipapan iti literatura ti Biblia. Kasta met laeng ti surat nga impatulod ti maysa a babai idiay Chelyabinsk, maysa a siudad a nasurok a sangamilion ti umilina nga agarup 1,500 a kilometro iti abagatan a daya ti Moscow.

Kinunana maipapan Ti Katan-okan a Tao a Nagbiag Pay Laeng. “Ti libro ket maysa nga espesial a banag. Itukitna kadagiti tattao ti naragsak a masakbayan ken tulonganna ida a mangammo iti kadaanan a historia. Sakbay a naaddaanak iti daytoy a libro, pulos a diak pinampanunot ti Dios ken saanak a pulos nga interesado iti relihion, ngem ita, kayatkon ti agpabautisar. Kayatko unay nga adalen ti literaturayo. Kayatko nga iranud dagiti nabasak kadagiti gagayyemko, am-ammok, ken kabagiak.”

Mabalinmo met ti umawat iti literatura a tumulong kenka a mangammo iti ad-adu pay maipapan ken Jesus ken ti naibasar-Biblia a namnama a biag iti baro a lubong. No kayatmo ti maaddaan iti kopia ti libro a Ti Katan-okan a Tao a Nagbiag Pay Laeng wenno kayatmo nga adda sumarungkar kenka tapno libre nga iyadalannaka iti Biblia iti pagtaengam, pangngaasim ta agsuratka iti Watch Tower, P.O. Box 2044, 1060 Manila, wenno iti maitutop a direksion a nailista idiay panid 5.