“Agtamedak Kadakayo Amin”

KASTA ti insurat ti maysa a debotado a Katoliko a taga Fairhope, Alabama, E.U.A., maipapan iti literatura dagiti Saksi ni Jehova ken kadagiti nangipan kenkuana iti dayta.

“Nagsayaat ti pannakaisurat ken salaysay a linaon dagiti magasin a Pagwanawanan ken Agriingkayo!,” kinunana. “Maragragsakanak no mangyeg ti dadduma a miembroyo iti kopia ti tunggal maysa kadagitoy. Talaga a basbasaek dagitoy.

“Nakasaysayaat ken nakaim-imbag ti ugali dagiti miembroyo, ket kanayon a maragsakanak a makakita iti nakaisem a tattao nga agar-aramid iti trabaho ti Dios (ni Jehova). Itay nabiit pay, dua nga ubbing ti immay iti ruanganko ket inyam-ammoda ti bagida ken intukonda kaniak dagiti magasin. Nagyamanak kadakuada ket naragsakanak a nakakita kadagiti ubbing nga agar-aramid iti nasayaat a trabaho imbes a mangriribukda.

“Debotadoak a Katoliko . . . , ngem dayawek ti nagsayaat a trabaho ti organisasion ken dagiti miembroyo. Naimpusuan a kunaek a talaga a magustuak dagiti magasinyo ken dayawek dagiti nagsayaat, nakaisem a miembroyo. . . . Agtamedak kadakayo amin. Itultuloyyo ti nagsayaat a trabahoyo.”

Mangipaay met dagiti Saksi ni Jehova kadagiti publikasion para kadagiti espesipiko a kasapulam. Maysa kadagitoy ti 32-panid a broshur a napauluan iti Ania ti Kalikaguman ti Dios Kadatayo? Iti 16 a leksion ipakaammona nga agpadpada dagiti kangrunaan a pannursuro ti Biblia ken no ania ti ibaga ti Biblia nga aramidentayo tapno anamongannatayo ti Dios. No kayatmo ti agkiddaw iti libre a kopia, suratam ti naipakuyog a kupon ket ibusonmo iti address nga adda iti kupon wenno iti address a nailista iti panid 5 daytoy a magasin.

□ Patulodandak iti broshur nga Ania ti Kalikaguman ti Dios Kadatayo?

□ Interesadoak iti libre a panagadal ti Biblia iti pagtaengan.