Nasdaaw Gapu iti Kinanainkalinteganda

NAGSURAT ti maysa a propesor ti unibersidad idiay España iti sanga nga opisina ti Watch Tower Society iti pagilianna tapno iyebkas ti panangapresiarna iti Agriingkayo! Kastoy ti inlawlawagna:

“Nabiit pay a nakaawatak iti dua a kopia ti magasinyo nga Agriingkayo! Natakuatak a naglaonda kadagiti makapainteres unay nga artikulo maipapan iti nadumaduma a tema. Saanak a naikameng iti aniaman a relihion, ngem apresiarek ti kinanainkalintegan ti magasinyo. Nagsayaat met ti arte ken diseniona, ket saan a mangidumduma ken nasientipikuan ti panangilawlawagna iti nadumaduma a suheto. Kablaawankayo gapu iti panagreggetyo.”

Iti adu nga artikulona, pagtitiponen ti Agriingkayo! ti nadumaduma nga ebidensia manipud iti nadumaduma a siensia a tumulong kadagiti agbasbasa a maaddaan iti konklusion a naibasar iti pannakaammo. Kasta met laeng ti naaramid iti 32 ti panidna a broshur nga Ania ti Panggep ti Biag? Kasanoyo a Masarakan Dayta? Kas pagarigan, iti sidong dagiti subtema a “Naiparna Kadi a Namunganay ti Biag?” ken “Ti Disenio Kasapulanna ti Nangdisenio,” ti ebidensia a maitutop iti tema ket inlawlawag ti nadumaduma a mabigbigbig nga autoridad iti tay-ak ti astronomia, microbiology, ken physics.

Mabalinmo ti agkiddaw iti daytoy a broshur nga Ania ti Panggep ti Biag? Kasanoyo a Masarakan Dayta? babaen ti panangsuratmo iti naipakuyog a kahon ken ibusonmo dayta iti address a makita iti kupon wenno iti maitutop nga address a nailista iti panid 5 daytoy a magasin.

□ Patulodandak iti broshur nga Ania ti Panggep ti Biag? Kasanoyo a Masarakan Dayta?

□ Interesadoak iti libre a panagadal iti Biblia iti pagtaengan.

[Picture Credit Line iti panid 32]

Galaksi: Impaay ti Anglo-Australian Observatory, rinetrato ni David Malin