Ti Biblia—No Apay a Nasken a Maammuam ti Mensahena
● Ti Biblia ti kasaknapan ti pannakaiwarasna a libro iti intero a pakasaritaan ti tao, ken adu ti mangipatpateg iti dayta. Maus-usar pay dayta no adda agsapata iti korte. Dagiti opisial a mangrugin nga agtugaw iti akemda iparabawda met ti imada iti dayta bayat nga agsapatada. Ti pannakaammo iti Biblia ti kapatgan nga edukasion a mabalin a magun-odan tisiasinoman.
Adu ti umanamong a nasaysayaat ti lubong no ad-adu koma ti mangbasa iti Biblia ken mangyaplikar kadagiti isursurona. Ti 32 ti panidna a broshur a napauluan Ti Biblia—Ania ti Mensahena? ken addaan kadagiti makapainteres a ladawan ket makatulong kenka a mangammo kadagiti isursuro ti Biblia. Iti umuna a dua a seksion, nailawlawag no kasano a ti Namarsua impaayanna dagiti tattao iti paraiso ken no kasano a napukaw dayta. Kadagiti sumaganad a seksion, naisalaysay ti pakasaritaan ti ili a nangipaayan ti Dios iti Agturay iti Pagarianna, ti gobierno a mamagbalin manen a Paraiso iti daytoy a daga.
Dagiti sumaganad a seksion salaysayenda ti biag, ministerio, dagiti milagro, ipapatay, ken panagungar ni Jesus—ti Agturay a dinutokan ti Dios. Kalpasan dagita, agsasaruno a nailawlawag kadagiti uppat a sumaganad a seksion ti ministerio, pannakasubok ti pammati, ken ti naipaltiing a sursurat dagiti adalan ni Jesus idi umuna a siglo. Maragsakanka la ketdi iti seksion a napauluan iti “Naisubli a Paraiso!” ken ti namaris a ladawan iti maudi a panid a napauluan iti “Ti Mensahe ti Biblia—Sumario.”
Tapno maaddaanka iti kastoy a broshur, suratam laeng ti kupon ken ipatulodmo dayta iti adres a makita iti baba wenno iti maitutop nga adres a nailista iti panid 5 daytoy a magasin.
□ Kayatko ti maaddaan iti kopia ti broshur a naipakita ditoy.
□ Interesadoak iti libre a panagadal iti Biblia.