Am-ammuem ni Jehova ken Agserbika Kenkuana

Ania ti linaon dagiti libro nga insurat dagiti 12 a mammadto a mangtignay kadatayo a mangammo nga ad-adda pay iti maipapan ken ni Jehova? Apay a makagunggona unay ita dagiti mensahe ni Jehova nga impakaammo dagidi a mammadto? Iti panangusigmo iti Kapitulo 4 agingga iti 7 daytoy a libro, makasarakka kadagiti indikasion no kasano ti rumbeng a panagdayawmo iti Dios ken no kasano a mayaplikarmo dagiti pagalagadanna. Kas pagarigan, ania ti namnamaenna kenka no maipapan iti panangipakita iti hustisia iti pannakilangenmo kadagiti sabsabali? Wen, matakuatamto a dagitoy 12 a naimpadtuan a libro mapasayaatda ti biagmo ita.