“Ti Dios ket Ayat”

1. Iyaw-awis ni Jehova

A dalannat’ suroten.

Ti Dios ken ti kaarruba,

Rebbengtay nga ayaten.

Ti ayat isut’ kapatgan

Iti biag ti Kristiano.

Rag-o ti intay masagrap

No ayat ket napudno.

2. Ayat iti kinapudno

Isu ti mamagtignay.

No tiempot’ pannakapaay,

Ti Dios ti mangsaranay.

Ti ayat ket di naimon;

Ibturanna ti amin.

Ipakita a kanayon

Dayta a kababalin.

3. Iwaksim sakit ti nakem;

Dika met aging-ingpen.

No Dios ti pagpannurayam,

Innaka tarabayen.

Iti Dios ken ’ti kakabsat,

Ipakita ti ayat.

Daytat’ bilin a suroten;

Wen, ta ti Dios ket ayat.