Umaykayo ket Magin-awaankayo

1. Daytoy lubong a pagbibiagantayo

Dalan ti Dios dina ammo.

Kasapulantay ti panangiwanwan

Tapno ditay mayaw-awan.

Dagiti gimong ket mangpagin-awa;

Parayrayendat’ namnama.

Pasayaatendat’ aramidtayo;

Pabaruendat’ pigsatayo.

Tungpalentay ti bilin ni Jehova,

Agraman pagayatanna.

Maipapusotay ti kinapudno

No makigimgimongtayo.

2. Maseknan kadatayo ni Jehova.

Ipangagtay balakadna.

Dagiti gimong ditay liwliwayan;

Dayta ket nainsiriban.

Gapu iti intay panaggigimong,

Pammatitay mapabileg.

No kaduatay dagiti kapammatian,

Riknatayo ket natalged.

Pannakigimong intay ngad reggetan

Ta dandanin panungpalan.

Dagiti gimong ti pakasursuruan

Iti sirib a nadiosan.