No kasano a mas makasursuroka iti panagadalmo iti Biblia
Kitaem nga umuna ti ababa nga impormasion maipapan iti daytoy a libro. Kalpasanna, i-play ti VIDEO.
UMUNA A PASET
Tapno maisaganam ti tunggal leksion, basaem ti umuna a paset. Ilawlawag dagiti napuskol ti pannakaisuratna a saludsod (A) ken teksto (B) dagiti kangrunaan a punto. Adda dagiti teksto nga espesipiko a naikkan iti “basaen.”
MAKINTENGNGA A PASET
Ti umuna a sasao (C) iti Ammuem ti Ad-adu Pay ilawlawagna ti sumaruno a mapagsaritaan. Dagiti subtitulo (D) ipakitana dagiti kangrunaan a punto. Basaem dagiti teksto, sungbatam dagiti saludsod, ken buyaem dagiti video a kadua ti mangyad-adal kenka.
Makatulong dagiti VIDEO ken AUDIO RECORDING box kadagiti leksion tapno mas maawatam ti topiko nga ad-adalem. Adda dagiti video a mangipakita kadagiti agpaypayso a kapadasan. Adda met dagiti nayakto laeng a pasamak a mangipakita kadagiti agpaypayso wenno realistiko a situasion.
Kitaem a naimbag dagiti ladawan ken kapsion (E), ken panunotem no ania ti isungbatmo iti Kuna ti Dadduma (F).
MAUDI A PASET
Maileppas ti panagadal iti Sumario ken Rebiu (G). Ikabilmo ti petsa no kaano a nalpas ti leksion. Ti seksion a Padasem Daytoy (H) ipakitana ti mabalinmo pay nga aramiden wenno pasayaaten. Makita iti Agdiskobreka Pay (I) dagiti impormasion a mabalinmo a basaen wenno buyaen no kayatmo.
Dagiti Linaonna
|
|
|
|
|
No kasano a biroken dagiti bersikulo ti Biblia
Ti Biblia ket koleksion ti 66 a babassit a libro. Nabingay daytoy iti dua a seksion: ti Hebreo-Aramaiko a Kasuratan (“Daan a Tulag”) ken ti Kristiano a Griego a Kasuratan (“Baro a Tulag”).
Dagiti naisitar a teksto ket buklen ti nagan ti libro ti Biblia (A), a sarunuen ti kapitulo (B), ken ti bersikulo (C).
Kas pagarigan, ti Juan 17:3 ket tumukoy iti libro a Juan, kapitulo 17, bersikulo 3.