KANTA 152
Pasdek a Mangyeg Pakaidayawam
(1 Ar-ari 8:27; 1 Cronicas 29:14)
1. Dios a Namarsua iti langit,
Awan makalaon kenka.
Ngem iti daytoy a pasdekmo,
Agtaeng ti espiritum.
Gaput’ ad-adipenmo, Ama,
Pasdekmot’ makaay-ayo.
Sangsangkamaysa, siraragsak
Isilnagmit’ kinapudno.
(BRIDGE)
Sika ti Gubuayan
Amin a sanikuami.
Sika ti Naggapuan
Amin nga idatonmi.
(KORO)
O Jehova, inkam agyaman;
Arapaapmit’ natungpal,
Ta naibangonmi ti pasdekmo
A mangyeg pakaidayawam.
2. Daytoy pasdek a pagdayawan
Ibanagnat’ pagayatam
Tapno ti ilim maaywanan
Ken adu ti matulongan.
Naimpusuankam nga agserbi,
O Dios, makidanggaykami
Ta umad-adu ti trabaho
Nga impaay ti Anakmo.
(BRIDGE)
Sika lat’ maikari
A pangipaayanmi
Iti kasayaatan,
Tiempo, ken pigsami.
(KORO)
O Jehova, inkam agyaman;
Arapaapmit’ natungpal,
Ta naibangonmi ti pasdekmo
A mangyeg pakaidayawam.