AVIM

1. Dagiti nagkauna a nagnaed iti paset ti daga ti Canaan a masarakan iti maysa a lugar a dayaen ti Gaza. Uppat a pulo a tawen kalpasan ti ipapanaw dagiti Israelita manipud Egipto, dinakamat ni Moises no kasano a napaksiat dagiti Avim iti dagada babaen kadagiti Caftorim. (De 2:23) Di nagbayag sakbay ti ipapatay ni Josue, idi agarup ngalay ti maika-15 a siglo K.K.P., adda pay laeng natda kadagiti Avim.​—Jos 13:1, 3.

2. Maysa a siudad ti Benjamin, nailista iti baet ti Bethel ken Para iti Josue 18:21-23. Mabalin a tinagitauan dayta dagiti nabatbati a kameng ti tribu dagiti Avim. Naikuna nga isu dayta ti Khirbet Haiyan (Horvat Hayan), agarup 4 km (2.5 mi) iti daya nga abagatan-a-daya ti Bethel (Beitin), sigun ken F.-M. Abel.​—Géographie de la Palestine, Paris, 1938, Tomo II, p. 257.