ʽAYIN

[ע]

Ti maika-16 a letra ti Hebreo nga alpabeto. Ti Griego a bokales nga oʹmi·kron (“o”) ket naadaw iti ʽaʹyin; nupay kasta, saan a bokales daytoy a Hebreo a letra no di ket konsonante. Irepresentarna ti maysa a nagpaiduma nga uni a maibalikas iti likud ti karabukob ken awan katupagna iti Ingles. Naipatarus kas ʽ. Agparang kas damo a letra iti tunggal bersikulo ti Salmo 119:121-128, iti Hebreo a teksto.