BAALAT

[Disso ti Apo-a-Babai].

Maysa nga ili iti beddeng ti orihinal a teritoria ti Dan, nadakamat iti Josue 19:44, 45 kas adda iti nagbaetan ti Gibbeton ken Jehud. Nabatad a dayta met laeng a disso ti inraman ni Solomon idi agangay iti programana a panagibangon manen. (2Cr 8:5, 6) Saan a masigurado ti eksakto a lugar a nagsaadanna; ni Josephus (Jewish Antiquities, VIII, 152 [vi, 1]) tukoyenna dayta a kadua ti Bet-horon kas saan nga adayo iti Gezer, sabali pay a nasarikedkedan a siudad.​—1Ar 9:17, 18.