KURIAT

[Heb., char·golʹ].

Maysa a kita ti aglagto nga insekto a nainaig iti rumsa, nupay naiduma iti rumsa gapu ta addaan kadagiti nalatak nga antena iti ungto ti buksitna. Ti kuriat iti balay ken ti kuriat iti talon ket agpada a masarakan kadagiti daga nga adda iti Biblia. Ti kakaisuna a pannakadakamat daytoy nga insekto ket iti Levitico 11:22, a sadiay nailanad kas nadalus a pagtaraon.

Adda dagiti patarus ti Biblia (KJ; Yg) nga ipatarusda ti Hebreo a termino a char·golʹ kas “abal-abal,” nga agkarayam ti kadawyan unay a kakikita daytoy imbes nga aglagto. Ngem umanamong ti kaaduan a ti Hebreo a sao tumukoy iti maysa a kita ti aglagto nga insekto, kas ipamatmat ti pannakailanadna a kadua ti dudon. Nupay kasta, di masigurado ti eksakto a matuktukoy a kita ti aglagto nga insekto. Dagiti managipatarus nadumaduma ti panangipatarusda iti char·golʹ kas “tumpuak a dudon” (Mo), “agtayab a dudon” (AT), ken “kuriat” (AS; NW; RS); ket no dadduma naipatarus lattan a letra-por-letra ti Hebreo a sao.​—Le; Da; JB.