DAMARIS

Maysa a babai a nakangngeg iti depensa ni Pablo iti Areopago (Turod ni Mars) idiay Atenas ket kalpasanna nagbalin a manamati. (Ara 17:33, 34) Mabalin a saan a Griego ni Damaris, agsipud ta iti kagimongan ti Atenas gagangay a maisinsina dagiti babbai. Yantangay ni Damaris laeng ti babai a nainaganan, mabalin nga isu ket prominente. Awan ti nabileg a pangibatayan iti panangikuna nga asawana ni Dionisio, gapu laeng ta nadakamatda a dua iti dayta a salaysay.