ESTAOL

[mabalin a, Disso a Pagimtuodan [iti Dios]].

Siudad idiay Sefela, naituding iti Juda. (Jos 15:20, 33) Idi agangay nailanad dayta kas maysa nga ili iti ketegan ti Dan. (Jos 19:40, 41) Ditoy a lugar ti damo a nangtignayan ti espiritu ni Jehova ken Ukom Samson, ket sadiay a naitabon idi natay. (Uk 13:25; 16:31) Idiay Estaol ken Zora ti naggapuan ti 5 a Danita a mangsimsimisim iti Lais ken kalpasanna ti 600 a nangkautibo iti dayta.​—Uk 18:1, 2, 7, 11, 27.

Kadawyanna a kunaen dagiti eskolar a ti Estaol ket isu ti agdama-aldaw a disso ti Eshwaʽ (Eshtaʼol) a sumagmamano laeng a pasetna ti mapagnanaedan. Adda dayta iti nangato a disso a bato nga agarup 21 km (13 mi) iti laud ti Jerusalem.