BINGRAW

[Heb., ʽa·rovʹ].

Adda panagduadua maipapan iti espesipiko nga insekto a naawagan iti orihinal a Hebreo a sao nga agparang iti Kasuratan mainaig iti maikapat a saplit iti Egipto, ti kaunaan a nalisian dagiti Israelita idiay Gosen. (Ex 8:21, 22, 24, 29, 31; Sal 78:45; 105:31) Ti ʽa·rovʹ nadumaduma ti pannakaipatarusna kas “bingraw” (JB, NW, Ro), “barrairong” (Yg), “ngilaw” (AS, KJ, RS), “sepsep” (AT), ken “ngilaw ti aso” (LXX).

Ti Iloko nga awag a “bingraw” ramanenna ti nadumaduma a kita dagiti ngilaw ti kabalio ken dagiti dingraw. Dagiti kabaian a ngilaw ti kabalio lussokenda ti kudil dagiti animal kasta met ti tao ket kalpasanna susopenda ti dara dagita. Iti kasasaadda kas larva, agbiag dagiti dingraw kas parasito kadagiti bagi dagiti animal ken tao; dagidiay agsaknap kadagiti tao masarakan kadagiti tropiko. Ngarud, ti saplit dagiti bingraw mabalin a nangipaay iti nakaro a panagsagaba kadagiti Egipcio ken iti dinguenda ken, iti sumagmamano a kaso, ipapatay pay ketdi.