HADRAC

Daga a maibusor iti dayta nangyebkas ni Jehova iti pammakdaar babaen ken mammadtona a Zacarias. Daytoy a padto, a nalabit naisawang idi 518 K.K.P., impakitana a ni Hadrac napagrurodna ni Jehova. Nadakamat dayta a karaman iti adu a siudad iti aglikmut ti Israel, kas ti Damasco, Hamat, Tiro, Sidon, ken ti Ascalon, Gaza, Ekron, ken Asdod a siudad dagiti Filisteo.​—Zac 9:1-8.

Mabalin a ti Hadrac ket maysa a siudad-estado, nga inturayanna ti lugar nga adda iti aglikmut dayta. Maipagarup a dayta ti Hatarikka kadagiti Asirio a kitikit, naikuna nga isu ti munturod ti Tell Afis, agarup 45 km (28 mi) iti abagatan a laud ti Aleppo. Inlanad ti Asirio a ni Ari Tiglat-pileser III ti Hatarikka kas karaman iti “19 a distrito a kukua ti Hamat.”​—Ancient Near Eastern Texts, inurnos ni J. Pritchard, 1974, p. 282, 283.