HALA

Lugar a nangipanan dagiti Asirio a monarka kadagiti kautibo nga Israelita. (2Ar 17:6; 18:11; 1Cr 5:26) Patien ti dadduma nga eskolar a nalabit “destiero idiay Hala” ti rumbeng a mabasa iti Abdias 20 imbes a “destiero daytoy a [“buyot,” AS, JB, KJ; “puersa,” Ro, Yg] baluarte.” (NW) Nupay nagduduma ti naibaga nga ayanna, saan pay laeng nga ammo ti eksakto nga ayan ti Hala. Inaig dayta ti dadduma iti Hallahu a nadakamat kadagiti Akkadiano a teksto.