HODAVIAS

1. Maysa kadagiti pito nga annak ni Elioenai, a maysa a kaputotan ni Ari Solomon.​—1Cr 3:10, 24.

2. Maysa kadagiti pito a pannakaulo dagiti amma iti kagudua a tribu ni Manases.​—1Cr 5:23, 24.

3. Benjamita; “anak ni Hassenua” ken ama, wenno inapo, ni Mesullam.​—1Cr 9:7.

4. Levita nga ulo ti pamilia, a ti 74 kadagiti ‘annakna’ (kaputotanna) nagsublida manipud Babilonia idi 537 K.K.P. ket ti sumagmamano kadakuada, no saan nga isuda amin, nagserbida kas manangimaton iti pannakaibangon manen ti templo. (Esd 2:1, 2, 40; 3:9) Ni Hodavias ket naawagan Juda iti Esdras 3:9 ken Hodeva iti Nehemias 7:43.