IMMER

1. Kaputotan ni Aaron a nadutokan kas pannakaulo ti maika-16 a benneg ti papadi idi tiempo ni David. (1Cr 24:1, 6, 14) Agparang a 1,052 kadagiti kaputotanna ti nagsubli a kadua ni Zorobabel manipud Babilonia idi 537 K.K.P. (Esd 2:37; Ne 7:40) Ti dua kadagiti “annak ni Immer” ket karaman kadagidiay namagtalaw iti ganggannaet nga assawada a babbai idi tiempo ni Esdras.​—Esd 10:20, 44.

2. Ama ni Mesillemit (wenno Mesillemot); mabalin nga isu met laeng ti Num. 1.​—1Cr 9:12; Ne 11:13.

3. Ama ti padi a ni Pasur, maysa a bumusbusor ken nangipatul-ong ken mammadto Jeremias. Impadto ni Jeremias a ni Pasur ken ti intero a balayna ket maipan idiay Babilonia. (Jer 20:1, 2, 6) No ti sasao nga “anak ni Immer” ket tarusan a mangipasimudaag iti maysa a kaputotan imbes nga anak a mismo, daytoy nga Immer mabalin nga isu ti Num. 1.

4. Ama ni Sadok, maysa a nakipaset iti pannakatarimaan ti pader ti Jerusalem. (Ne 3:29) Nupay kasta, daytoy nga Immer mabalin nga isu met laeng ti Num. 1, no ti sasao nga “anak ni Immer” ket ibilang a kaipapananna ti kaputotan.

5. Nalabit maysa a lugar idiay Babilonia a naggapuan ti sumagmamano a papadi a saan a nakabael a mangpaneknek iti kapuonanda.​—Esd 2:59; Ne 7:61.