JEHOVA-NISSI

Ti nagan ti pakalaglagipan nga altar nga imbangon ni Moises kalpasan ti naballigi a pannakibakal ti Israel kadagiti Amalekita idiay Refidim.​—Ex 17:8, 13-16.

Ti nagan kaipapananna ti “Ni Jehova ti Pagilasinan a Teddekko,” a ti nis·siʹ naadaw manipud nes (pagilasinan a teddek). Dagiti managipatarus iti Griego a Septuagint naawatanda a ti nis·siʹ ket naala iti nus (agkamang), iti kasta naipaayan iti kaipapanan a “Ni Jehova ti Kamangko,” idinto ta iti Latin a Vulgate naipagarup a naala dayta iti na·sasʹ (ibayog; ipangato), iti kasta naipaayan iti kaipapanan a “Ni Jehova ti Tan-okko.”​—Ex 17:15, Rbi8 ftn.