KABZEEL

[Nangummong ti Dios].

Maysa a siudad iti makin-abagatan a paset ti Juda. (Jos 15:21) Maikunkuna nga isu ti Khirbet Hora (Horvat Hur), agarup 10 km (6 mi) iti daya nga amianan-a-daya ti Beer-seba. Adda nadumaduma a pannakaawat maipapan iti 2 Samuel 23:20 ken 1 Cronicas 11:22 iti Hebreo a teksto, a ti Kabzeel kunaenda a tumukoy iti (1) pagtaengan ti mabigbigbig a mannakigubat a ni Benaias, (2) pagtaengan ti maysa nga inapona wenno ti lugar a nangaramidan ni Benaias iti agdindinamag nga ar-aramid, wenno iti (3) nakapasamakan ti adu nga aramidna. (Idiligyo ti AS; KJ; JB; Le; NW; RS.) Ti sabali pay porma daytoy a nagan, “Jecabzeel,” ket agparang iti Nehemias 11:25 iti listaan dagiti purok ti Juda kalpasan ti pannakaidestiero.