CAIWAN

Nalabit maysa a dios-bituen, kas ipasimudaag ti pannakaipada ti nagan a Caiwan iti sasao a “bituen ti diosyo.” (Am 5:26) Nabatad a ti matuktukoy isu ti Akkadiano a bituen a kaimanu wenno kaiwanu, yantangay agparang daytoy kadagiti Akkadiano a kitikit kas nagan ni Saturno (maysa a dios-bituen). Iti Masoretiko a teksto, ti nagan inggagara a naikkan iti marka ti bokales tapno tumupag iti Hebreo a sao a shiq·qutsʹ (nakarimrimon a banag). Iti Griego a Septuagint, ti “Caiwan” ket naipatarus a Rhai·phanʹ, a maipagarup nga Egipcio nga awag ken Saturno; ket iti panagadaw ni Esteban a nailanad iti Aramid 7:43, Rhom·phaʹ ti agparang iti Griego a teksto da Westcott ken Hort.​—Kitaenyo ti ASTROLOGO; REFAN.