LOG

Ti kabassitan a sukat ti likido a nadakamat iti Biblia. Ipatuldo dagiti pammaneknek iti Talmud a ti log ket apagkasangapulo ket dua ti maysa a hin, wenno 0.014 bat. Maibatay kadagiti takuat ti arkeolohia, ti bat ket napattapatta a 22 L (5.81 gal). No umiso daytoy, ti log a sukat ket makalaon iti agarup 0.31 L (0.66 pt). Ti maysa a log a sukat ti lana ket paset ti naibilin a daton ti maysa a nadalusan nga agkukutel.​—Le 14:2, 10, 12, 15, 21, 24.