MALCO

[nagtaud iti Heb. a sao a kaipapananna ti “ari”].

Ti adipen ti nangato a padi a nangkuyog ken Judas Iscariote ken ti bunggoy idi napanda idiay Getsemani, a sadiay ti nakaarestuan ni Kristo. Piningasan ni Pedro ti makannawan a lapayag ni Malco babaen iti kampilan (Jn 18:10; Mt 26:51; Mr 14:47), ngem namilagruan a pinaimbag ni Jesus dayta. (Lu 22:50, 51) Sabali pay nga adipen ti nangato a padi a ni Caifas, maysa a kabagian ni Malco, ti nakabigbig ken Pedro idi agangay, ket daytoy ti nangiturong iti maikatlo a panangilibak ti apostol ken Kristo.​—Jn 18:26, 27.