MALLUC

[nagtaud iti sao a kaipapananna ti “agturay kas ari”; wenno, “ari”].

1. Merarita a Levita ken inapo ti kumakanta a Levita a ni Etan.​—1Cr 6:44-47.

2. Maysa kadagiti papadi a kimmuyog ken Zorobabel idi nagsubli dagiti Judio manipud pannakaidestiero idiay Babilonia.​—Ne 12:1, 2, 7.

3. Israelita “iti annak ni Bani” a karaman kadagidiay nangawat iti ganggannaet nga assawa a babbai ngem namagtalaw kadakuada idi kaaldawan ni Esdras.​—Esd 10:29, 44.

4. Israelita “iti annak ni Harim” a karaman kadagidiay nangala iti ganggannaet nga assawa a babbai ngem nangpapanaw kadakuada idi tiempo ni Esdras.​—Esd 10:31, 32, 44.

5. Maysa kadagiti papadi, wenno inapo ti maysa a padi, a nangpatalged babaen iti selio iti “mapagpiaran nga urnos” a naaramid idi kaaldawan ni Nehemias.​—Ne 9:38–10:4.

6. Israelita ken maysa kadagiti pannakaulo dagiti umili, a ti kaputotanna, no saan nga isu a mismo, pinatalgedanna ti “mapagpiaran nga urnos” a naaramid idi tiempo ni Nehemias.​—Ne 9:38; 10:1, 14, 27.