RODA

[mabalin a, Rosas].

Maysa a kameng ti kongregasion Kristiano idiay Jerusalem idi namilagruan a naluk-atan ni apostol Pedro iti pagbaludan idi agarup 44 K.P. Ni Roda ket maysa nga adipen, maipagarup nga iti sangakabbalayan ni Maria nga ina ni Marcos. Karaman kadagidiay nagpatpatnag a nagkarkararag maipaay ken Pedro. Idi dinamagna no siasino ti nagtuktok iti ridaw ti ruangan, ken idi mailasinna ti timek ni Pedro, kasta unay ti rag-ona ni Roda. Ket imbes a pastrekenna ni Pedro, nagtaray nga immuneg tapno ibagana iti sabsabali. “Agmauyongka,” kinunada, ngem impapilitna latta. Intultuloy ni Pedro ti nagtuktok agingga a pinastrekda met laeng idi agangay.​—Ara 12:3, 5, 12-16.