SET

[Naituding; Naikabil; Naisaad].

Ti anak da Adan ken Eva a naipasngay idi agtawen ni Adan iti 130. Pinanaganan ni Eva iti Set agsipud ta kinunana: “Ti Dios nangituding maipaay kaniak iti sabali pay a bin-i a mangsandi ken Abel, agsipud ta pinapatay ni Cain.” Mabalin a saan a ni Set ti maikatlo nga anak da Adan ken Eva. Sigun iti Genesis 5:4, naaddaan ni Adan iti “annak a lallaki ken babbai,” a ti dadduma kadakuada ti mabalin a nayanak kasakbayan ni Set. Rumbeng nga ibilang a napateg ni Set agsipud ta nagtaud kenkuana ni Noe, saan a ken mammapatay a Cain, ken isu ti nagtaudan ti agdama a puli ti sangatauan. Idi 105 ti tawen ni Set, pinutotna ni Enos. Natay ni Set idi agtawen iti 912 (3896-2984 K.K.P.).​—Ge 4:17, 25, 26; 5:3-8; 1Cr 1:1-4; Lu 3:38.