SAMGAR

Maysa a nangispal iti Israel iti nagbaetan ti tiempo a panagserbi da Ehud ken Barak kas uk-ukom. Maymaysa laeng ti nairekord a naisangsangayan a gapuanan ni Samgar, ti panangpapatayna iti 600 a Filisteo babaen ti maysa a tirad a pangabug iti baka, ngem nabigbig nga ‘insalakanna ti Israel’ babaen iti dayta. (Uk 3:31) Sigun ken Josephus, natay ni Samgar bayat ti umuna a tawen ti panagserbina kas ukom. (Jewish Antiquities, V, 197 [iv, 3]) Naikuna nga “anak ni Anat” mabalin a gapu ta agnanaed idi iti Bet-anat a maysa a siudad ti Neftali.​—Uk 1:33.