SELOMIT

[nagtaud iti sao a ti kaipapananna ket “talna”].

1. Maysa a babai a Danita nga anak ni Dibri. Ti anakna babaen iti maysa nga Egipcio ket napapatay idiay let-ang gapu iti panangtabbaawna iti nagan ni Jehova.​—Le 24:10-14, 23.

2. Maysa a Cohatita a Levita a kameng ti pamilia ni Izar; naawagan met iti Selomot.​—1Cr 23:12, 18; 24:22.

3. Maysa a Levita a kaputotan ni Eliezer nga anak ni Moises; naawagan met iti Selomot.​—1Cr 26:25-28.

4. Anak a lalaki ni Rehoboam nga ari ti Juda babaen iti kaykayatna nga asawa a ni Maaca; kabsat ni Ari Abias.​—2Cr 11:20-23; 12:16.

5. Anak a babai ni Gobernador Zorobabel.​—1Cr 3:19.

6. Anak a lalaki ni Josifias ken pannakaulo ti sangakabbalayan ni Bani iti dasig ti amana. Ni Selomit agraman ti 160 a lallaki kimmaduada ken Esdras idi napan idiay Jerusalem.​—Esd 8:1, 10.