BISUKOL

[Heb., shab·belulʹ].

Maysa a kita ti nabuntog a moluska, gagangay a mailasin babaen iti kimmunikon wenno pimminggol a balayna a pagsanudanna kas salaknib. Adu a kita ti bisukol ti masarakan idiay Palestina, ngem gapu iti namaga a klima, adda sumagmamano a diladila, awan sabali, maysa a kita ti bisukol nga awanan makitkita a balayda. Dagiti diladila ken dagiti bisukol agpadpada a mangiparuarda iti nagalis a likido tapno saanda a magarumiadan no agkarayamda. Adu ti mamati a ti nagalis a naguyasan ti bisukol ti ipaspasimudaag ti sasao a “bisukol a marunrunaw.” (Sal 58:8) Ada met mangikuna a tumukoy daytoy iti panaggango ti bisukol iti balayna no mabayag a maibilag iti init.