LAPNIT

Ti orihinal a Hebreo a sao a kasta ti pannakaipatarusna matarusan a tumukoy kadagiti nakersang, ababa a linabag ti lino. Nalaka a mauram ti lapnit. Idi a ni Dalila pinarautanna ni Samson kadagiti naata a binggas, silalaka a pinugsatna a ginudua dagita, “no kasano a ti maysa a tinabid a linabag ti lapnit mapugsat a magudua no makasay-up iti apuy.” (Uk 16:8, 9) Inkeddeng ni Jehova nga iti nagtetengngaan dagiti nagkauna a tattaona, mapukaw a sangsangkamaysa dagiti nadangkes a tattao ken ti ar-aramidda. Kinunana: “Ti nakired a tao pudno unay nga agbalinto a lapnit, ket ti bunga ti aramidna maysa a rissik; ket pudno unay nga agpadpadada a mapuoranto nga aggiddan, nga awan asinoman a mangiddep.”​—Isa 1:24, 31.