TUBAL-CAIN

Anak a lalaki ni Lamec babaen iti maikadua nga asawana a ni Zilla; no kasta, kaputotan ni Cain ken kabsat da Jabal ken Jubal iti ama. Adda kabsatna a babai nga agnagan Naama. (Ge 4:17-22) Ni Tubal-cain “ti mammanday iti tunggal kita ti rimienta a gambang ken landok,” a mabalin a kaipapananna nga isu ti nangpartuat kadagiti kasta a rimienta wenno isu ti nangirugi iti dayta a trabaho wenno nagbalin a prominente iti dayta.