ZIMRAN

Damo a nainaganan kadagiti innem nga annak nga impasngay ni Ketura ken Abraham. Ni Zimran ken ti lima a kakabsatna ket naipaayan kadagiti sagut ket naibaonda nga “agturong iti daga iti Daya.” (Ge 25:1, 2, 6; 1Cr 1:32) Adda dagiti mangipapan a dagiti kaputotan ni Zimran ket nainaig iti Zabram, maysa nga ili iti laud ti Mecca iti igid ti Nalabaga a Baybay iti Arabia, wenno iti Zimri, a nadakamat iti Jeremias 25:25.