ZIZA

1. Anak a lalaki ni Ari Rehoboam ken Maaca nga apoko ni Absalom. Idi a ni Abias a kabsatna ti napili a sumuno nga ari, immawat ni Ziza kadagiti sagut a siudad, taraon, ken assawa manipud ken Rehoboam.​—2Cr 11:20, 22, 23.

2. Maysa kadagiti Simeonita a panguluen a nangpalawa iti pagpapaarabanda a daga babaen ti pananginayonda iti Hamita a teritoria ken panangdadaelda kadagiti agnanaed iti dayta bayat ti panagturay ni Ezekias; anak ni Sifi.​—1Cr 4:24, 37-41.