Ti Pagwanawanan iti Aggigiddan a Panangipablaak

Idi Hulio 1879 ti umuna a ruar daytoy a magasin kunana: “Kas ipamatmat ti naganna, gandat dayta ti pagtan-awan a manipud sadiay dagiti bambanag a pakapainteresan ken pagimbagan mairakurak iti ‘bassit nga ipastoran.’” Itatta, Ti Pagwanawanan mangipapaay met kadagiti naespirituan a taraon iti “dakkel a bunggoy” dagiti tattao a napasnek nga agur-uray met ti pannakagun-odda ti biag nga agnanayon ditoy daga.​—Lucas 12:32; Apocalipsis 7:9-17.

Bayat a rimmang-ay ti sirkulasion Ti Pagwanawanan kasta met ti bilang dagiti pagsasao a nagparanganna. Itatta, dagitoy a pagsasao agdagupdan ti 102. Ipakpakita dagiti report a dagiti baro a suskripsion Ti Pagwanawanan ken ti kaduana a magasin, ti Agriingkayo!, ti nakaskasdaaw ti panagpangatoda kadagiti napalabas a 70 a tawtawen. Kasta met dagiti maipapaima iti tay-ak nga indibidual a kopia. Adtoy dagiti sumagmamano nga adda a bilangda:

Tawen Baro a Suskripsion Magasin a Naipaima

1914 2,746 95,973

1944 292,258 9,293,913

1964 1,551,436 127,055,165

1984 1,812,221 287,358,064

Itan nadanontay manen ti maysa pay a miliahe iti 105-tawen a historia Ti Pagwanawanan​—ti aggigiddan a pannakaipablaakna iti 20-ken-nasursurok pay a pagsasao. Pudno a maysa a nakaragragsak a banag! Itultuloy koma ni Jehova nga usaren daytoy a magasin a sipipigsa iti panangiwaragawag iti Pagarianna babaen ken Kristo Jesus!

[Dagiti ladawan iti panid 8, 9]

Sueko

Danes

Noruego

Finlandes

Portugues

Aleman

Sepedi

Sesoto

Tsonga

Zulu

Olandes

Pranses

Español

Italiano

Afrikaans

Hapones

Tswana

Venda

Sosa

Cibemba