“Ti Giyak, Ti Mammagbagak”

Ti libro a Ti Kinaagtutuboyo​—Pananggun-od ti Kasayaatan iti Dayta ti nagserbi a kasta para iti maysa nga agtutubo manipud Senegal, West Africa. “Kas maysa a Muslim,” kunana, “pagsiddaawak unay ti wagas a panangsukimatyo kadagiti parparikut ti agtutubo. Nainsiriban iti panangtamingyo kadagiti bumbumarito. Ti libroyo para kaniak ket ad-adda pay ngem maysa a libro​—daytat’ giyak, ti mammagbagak, ket kastanto a kankanayon.

“Kas maysa nga ulila nanipud pay agtawen iti sangapulo ket maysa, nakipagtaengak ken apongko a baket agingga a nagtengko ti maika-sangapulo ket siam a tawenko. Itan duapulokon. No ti panagbiagko ket nagbalin a nasayaat nga impluensia kadagiti tattao iti aglawlaw kaniak, pagyamanak dayta iti libro a Kinaagtutubo. Diak mabilangen no maminano a daras a binasak dayta. Tunggal tema a salaysayenyo ti mangted kaniak ti rikna a daytat’ nangnangruna nga agpaay kaniak. Inranudko met dayta a libro kadagiti gagayyemko. Isuda, met, kunada a daytat’ maysa a paggameng a balay ti pannakaammo.”

Nairaman kadagiti 24 a kapitulo daytoy a publikasion isuda ti: “Kasano ti Panangmatmatyo iti Disiplina?” “Rebbeng Kadi nga Aginumkayo ti Inumen a de Alkohol?” “Ti Musika ken Salsala a Pilienyo,” “Nasken Kadi ti Seksual a Moralidad?” ken “Panag-“Date” ken Panagarem.” Mabalinyo a magun-odan daytoy nagsayaat a katulongan a maipaay iti naballigi a panagbiag babaen ti panangsuratyo ken panangikoreo ti naipakuyog a kupon agraman ti bayadna a ₱12.

Pangngaasiyo ta mangipatulodkayo, nabayadanen ti seliona, ti 192-panid, natangken ti akkubna a libro a Ti Kinaagtutuboyo​—Pananggun-od ti Kasayaatan iti Dayta. Mangilukonak iti ₱12.