Maysa a Nabaknang a Libraria dagiti Impormasion

Kastat’ panangipapan dagiti managbasa Ti Pagwanawanan ken Agriingkayo! kadagitoy a magasin.

Iti panagsuratna a maipaay iti bagina ken ti pamiliana, maysa a tao manipud Filipinas ti nagyaman iti Watch Tower Society gaput’ panangitedda kenkuana iti napalpalabas a ruar, a kunkunana.

“Kas iti tunggal edision dagiti magasinyo, naglaonda kadagiti nabaknang nga impormasion. Saan laeng a mangteddat’ lawag kadagiti bambanag maipapan iti relihion no di ket dagitoy mangipaayda pay iti nasaknap a panangsaklaw kadagiti tay-ak ti siensia, medisina, historia, gobierno, ken pagsasao, ken dadduma pay. Kasla tunggal ruarna ti agaw-awit kadagiti artikulo nga addaan espesial a paginteresan kadatayo.

“Kunak pay met a dagiti napalpalabas a ruar Ti Pagwanawanan ken Agriingkayo! impaaramidmi kas libro. Adda itan uppat kadagita a tomo nga adda iti estante ti pribado a librariami. Dagita ti nagsayaatan a material a pagreperensiaan, ket agsublisublikami a kanayon kadakuada a maipaay kadagiti makatulong a pammagbaga ken inspirasion.”

Mabalinyo met a paipatulod Ti Pagwanawanan ken Agriingkayo! iti pagtaenganyo. Mangipatulod laeng iti ₱100 ket awatenyo agpadpada dagitoy dua a magasin (uppat a kopia iti makabulan) iti las-ud ti makatawen.

Pangngaasiyo ta patulodandak ti makatawen a suskripsion iti Pagwanawanan ken Agriingkayo! a magasin. Mangilukonak iti ₱100 para iti 48 a ruarna. (Iti ruar ti Filipinas agsuratkayo iti sanga ti Watch Tower a maipaay iti impormasion.)