Kasanot’ Panangtubngaryo kadagiti Annakyo?

SAAN a nalaka dayta, nalabit umanamong ti kaaduan a naganak. Dagiti nagannak dagiti ubbing nga agtawen iti sangapulo ken pito isalaysayda no kasano a dagiti libro a Panagimdeng iti Naindaklan a Mannursuro ken Kinaagtutuboyo​—Pananggun-od ti Kasayaatan iti Dayta ket nagdakkelanda a tulong.

“No kasapulan ti panangtubngar kadagiti annaktayo,” insuratda, “makisaokami kadakuada ket ikeddengmi no ania ti adda a problema, kas pangarigan, nalabit ti di panangipakpakita iti ayat iti maysa a bassit nga ubing wenno kinakurang ti panagraem kadakami kas dadakkelda. Kalpasanna ibaonmi ida a mangbasa iti kinaulimek ti bukodda a siled, ti maysa a maiyanatop a kapiluto manipud iti maysa kadagitoy dua a libro. Tudinganmi met ida a kitaen dagiti kasuratan ken basaenda ida.”

Ti resulta? “Inton rummuardan a mangibaga kadakami a nalpasdan ken sisasaganadan a mangrepaso ti kapitulo ken dagiti kasuratan a kadua ni Daddy wenno ni Mommy, anian a panagbalbaliwda!” Maipapan iti pito ti tawenna nga anakda, a medio natangken ti ulona, insuratda: “Nupay daytoy a balasitang ti sipupungtot nga agreklamo nga agturong idiay siledna, isuntot’ rummuaren nga umis-isem ken kunkunaenna, ‘Makitak a siak ti nagbiddut. Ladingitek dayta!’”

No maysakay a nagannak wenno adda ammoyo a nagannak a makasapul ti tulong a panangdisiplina kadagiti annakna, apay dikay gun-oden dagitoy nalalaka laeng a libro? Pudpudno a naindaklanda a tulong iti panangpadakkel kadagiti annak.

Pangngaasiyo ta patulodandak, a nabayadanen ti seliona, ti natangken-akkubna, 192-panid a libro a Panagimdeng iti Naindaklan a Mannursuro ken Ti Kinaagtutuboyo​—Ti Pananggun-od ti Kasayaatan iti Dayta. Mangilukonak iti ₱28.