Tinagiragsak ti Maysa a Katoliko

Maysa kadagiti Saksi ni Jehova ti naplatan ti gomana iti maysa nga away iti Virginia, E.U.A. Maysa a balay ti adda iti asideg, ket ti babai timmuktok iti ruangan. Ti babai a bumalay ti nangpastrek kenkuana tapno umawag iti serbisio a mangtarimaan iti lugan. Kamaudiananna ti Saksi ni mangipatulod ti maysa a surat a nagyaman, a nangilukon kas maysa a sagut ti kopia ti libro a Mabalinyo ti Agbiag nga Agnanayon iti Paraiso a Daga. Ti sumaganad, iti pasetna, isu ti sungbat nga inawatna:

“Agbalinak a prangka ken napudno unay kenka. Maysaak a Romano Katoliko. Ket tunggal adda asinoman nga umay iti ruanganko nga addaan iti Watchtower wenno dadduma pay a polieto, padpadasek ti di mangawat kadakuada. No daytat’ maipapilit kaniak, ibellengko laeng dayta iti basuraan. Naipasagepsep unay kaniak ti Katolicismo nanipud pay idi bassitak nga ubing.

“Nupay kasta, naatrakarak iti libroyo agsipud ta daytat’ addaan ‘Paraiso’ iti paulona ken agsipud ta ti panagbasa iti dayta ti nalawag ken nalaka. Dagiti salsaludsod iti baba ti panid ti mamaregta iti panagbasa, ket dagiti retrato ti makakayawda kaniak. Kaay-ayok unay ti panid 11 agsipud ta padpadasek ti mangpartuat ti maysa a paraiso ditoy a maipaay kadagiti tumatayab ken an-animal. Addaanak ti maysa nga ugsa, dagiti rabbit, chipmunks, squirrels, dagiti atap a pabo ken amin a kita dagiti tumatayab. . . .

“Talaga nga adda naaramidam babaen ti panangpabasam iti maysa a Katoliko ti maysa a libro iti sabali a relihion. Ha! pagduaduaak no makumberteakto met laeng iti sabali a relihion. Ngem basbasaek ti libro, ket ni lakayko ti mangbasbasan iti dayta itatta. Pagyamanan manen!”

Daytoy nagsayaat a publikasion ti addaan 256 a panid, a kas kadakkel daytoy a magasin dagiti panidna, ket napunno iti nasurok a 150 nga ilustrasion, kaaduanna kadagiti napipintas a kolor. Mangipatulod laeng iti ₱35; ti basbassit a libro ket ₱17.50.

Pangngaasiyo ta patulodandak, a nabayadanen ti seliona ti libro a Mabalinyo ti Agbiag nga Agnanayon iti Paraiso a Daga. Ipakitayo babaen ti panangmarka kadagiti kahon no kayatyo ti dakdakkel nga edision a maipaay iti ₱35 [ ] wenno ti bassit nga edision iti ₱17.50 [ ] ket ilukon dagiti umiso a gatadna.