Tinawen a Miting​—Oktubre 3, 1987

TI TINAWEN A MITING dagiti kamkameng ti Watch Tower Bible and Tract Society of Pennsylvania ti maangay inton Oktubre 3, 1987, idiay Assembly Hall of Jehovah’s Witnesses, 2932 Kennedy Boulevard, Jersey City, New Jersey. Ti umun-una a miting dagiti kamkameng laeng ti maangay iti 9:30 t.b., a sarunuen ti en heneral a tinawen a miting iti 10:00 t.b.

Rebbeng a pakaammuan itan dagiti kamkameng ti Korporasion ti opisina ti Sekretario iti aniaman a panagbalbaliw ti direksion ti pagtaenganda bayat ti napalabas a tawen tapno dagiti regular a sursurat iti pakaammo ken proxies ti makadanon kadakuada a dagus kalpasan ti Agosto 15.

Dagiti proxies a maipatulod kadagiti miembro agraman ti pakaammo iti tinawen a miting, ket maisublida tapno makagtengda iti Opisina ti Sekretario ti Sosiedad di naladladaw ngem Setiembre 1. Tunggal miembro ti rebbeng a kompletuenna ken isublina ti proxyna nga insigida, nga ibagbagana no isu ket addanto a personal wenno saan iti miting. Ti impormasion a maited iti tunggal proxy ti rebbeng a piho iti daytoy a punto, yantangay daytanto ti mapagtalkan iti panangikeddeng no asinonto dagiti personal nga adda iti dayta.

Manamnama a ti intero a sesion, agraman ti pormal a miting ken dagiti report, ket maserraandanton inton ala 1:00 t.m. wenno di agbayag kalpasan dayta. Awanto ti sesion iti malem. Gapu iti limitado nga espasio, ti panangpastrek ket babaen iti tiket laeng. Awan dagiti urnos a maaramid a maipaay iti panangikawing ti tinawen a miting babaen iti telepono kadagiti dadduma a luglugar.