Agriingkayo!​—Maipatpateg iti Adu a Lugar

Ti Agriingkayo! ket maipabpablaak iti 55 a pagsasao, ket daytat’ addaan promedio a maimalmaldit a 11,930,000 a kopia kada ruarna. Dagiti managbasa iti intero a lubong tagtagiragsakenda dayta ken magunggunggonaanda iti dayta, kas ipalgak ti sursuratda ti panangipateg. Ti sanga nga opisina ti Watch Tower idiay Thailand immawat iti sumaganad a panagkalikagum:

“Ti eskuelaanmi ket regular nga agaw-awat ti magasin nga Agriingkayo! (iti Thai), ket nadlawmi a ti ruarna iti Setiembre 8, 1988, ket maipapan iti tema a ‘Nagannak,’ a rebbeng a basaen amin a nagannak dagiti ages-eskuela nga ubbing. Ngarud kayatmi a patulodandakami ti 250-400 a kopia, no adda daytoy, tapno maiwaras iti sumaganad a miting dagiti nagannak ken mannursuro.”

Maysa a babai a taga Roanoke, Virginia, E.U.A., ti nagsurat: “Maysaak a debotado a Baptist . . . , ngem nakabasaak ti maysa kadagiti pagiwarnakyo a ti Agriingkayo! idiay Laundromat iti sangakaarrubaan ket nalawlawaganak. Naragsakanak a nangbasa iti dayta. Mangiratipak ditoy ti [tseke a $5], ket pangngaasiyo ta patulodandak ti makatawen a suskripsion ti Agriingkayo!”

Patienmi nga uray dakayo magunggonaankayo met ken tagiragsakenyo dagiti makakayaw nga artikulo iti Agriingkayo!

Pangngaasiyo ta patulodandak ti makatawen a suskripsion ti Agriingkayo! Mangilukonak ti ₱60 maipaay ti 24 a ruar daytoy a magasin (2 a kopia kada bulan).