Tinawen a Miting​—Oktubre 6, 1990

TI TINAWEN A MITING dagiti miembro ti Watch Tower Bible and Tract Society of Pennsylvania ti maangay inton Oktubre 6, 1990, idiay Assembly Hall of Jehovah’s Witnesses, 2932 Kennedy Boulevard, Jersey City, New Jersey. Ti umuna a miting dagiti miembro laeng ti maangay iti alas 9:30 t.b., sarunuen ti pangkaaduan a tinawen a miting iti alas 10:00 t.b.

Dagiti miembro ti Korporasion rebbeng a pakaammuanda ti Opisina ti Sekretario itan iti aniaman a panagbalbaliw ti pakaipatulodan ti sursuratda bayat ti napalabas a tawen tapno dagiti regular a surat a panangipakaammo ken proxies dumanon kadakuada di agbayag kalpasan ti Agosto 15.

Dagiti proxies, a maipatulod kadagiti miembro agraman pakaammo ti tinawen a miting, ti masapul a maisublida tapno makagteng iti Opisina ti Sekretario ti Sosiedad saan a naladladaw ngem Setiembre 1. Tunggal miembro ti rebbeng a kompletuenna ken isublina nga insigida ti proxy-na, nga ibaga no isut’ personal nga addanto iti miting wenno saan. Ti impormasion a naited iti kada proxy ti rebbeng a piho iti daytoy a punto, ta daytat’ pangdeterminaran no asino dagiti personal nga addanto.

Manamnama a ti intero a sesion, agraman ti pormal a miting ken report dagiti bambanag, ti agpatingga iti ala 1:00 t.m., wenno di agbayag kalpasan dayta. Awanton ti sesion iti malem. Gapu iti limitado nga espasio, ti makastrek ket babaen iti tiket laeng. Awan dagiti urnos a panangisilpo ti tinawen a miting babaen kadagiti linia ti telepono kadagiti dadduma a disso.